Naja, wenn ma’ die schwarze Bohne im Tippe onbränne losse tut, do gebts dann noch extra Oorweit in der Küch.

Als ob ma’ net genuch Getäts unn Dings doroom für se mache hätt, du liewer Zeit nochmole!!!

Oh du, do errinn ich mich gleich noch on etwas, ei noh wie meine Modder uns verzählt, hätt sein Mama, unser Grossmodder, öfterschs spielerisch das dohie ihre Kinnercher gelernt:

Linse, wo sinn se? Die hippe im Dippe unn koche drei Woche; unn sinn doch noch so hart wie Knoche!

Jetz mol schaffe …

Oh Weh oh Weh o Weh …

Ei waroom tun die sich dann awer ooch noch so schlecht abscheiere losse?

Doch, wenn ma’ mit der Oorweit endlich vertich iss, iss ma’ doch üwerfroh unn zufriede.

Naja, liewe Leit halt eich munter unn vergess bloss net unser Deitsch se spreche, losse ma‘ unser Alte Moddersproch net aussterwe, gell?!

— Paul