Hallo, meine liewe Leit!

Heit möcht ich eich etwas zeiche, speziell für dene von eich wo mit dem Riograndenser Hunsrückisch-Sproch Oonfänger seit.

Wolle mer soogn, dass dir emol en nei Wort uff Hochdeitsch gehört hot, awer dann später, leider, do könnt dir eich nemeh richtich droon denke, ei genau besinne wie das komplet hesse soll …

Zum Beispiel, wolle mir uns voarstelle das es das Wort woor, wos du nuar die Helleft davon dich errinne kannst: “etwas” + “-wirt” … “wirt” wie in Landwirt (supondo que você conheça o termo Landwirt, ou seja, no sentido de proprietário de terras agrícolas) und in Gastwirt (suponhanos, um dono de um pequeno restaurante / hospedaria). Das Wort wos du am suche bist, ist en Wort wo mit grosse Firmas/Empresas zu tun hot, mit Administration / Verwaltung se tun hot.

Naja, do kannst du enfach das mache: Geh hie ren, zu dem LEO Deutsch – Portugiesisch Wörterbuch … und wies du do oonkomme tust, tue ren schreibe (i.e. ren tippe orrer digitiere) earscht en Asterisk *, und dann gleich do noh (ohne Leerstell, ohne en frei Epass/sem espaço em branco se losse) das Wort “wirt” – Naja, das weard dann so aussiehn: “*wirt”. Gleich do noh, do brauchst du nuar uff der Lupe-Ikone druff klicke um Los gehn und die Such dann doorrichführe (só precisa fazer um clique no ícone em forma de uma lupinha para efetuar a procura desejada) … Do kriehst du dann die follichende Begriffe/termos uff dein Komputadoar sein Tela/sein Bildscheerrem, wie mer das uff Deitsch säht:

der Landwirt | die Landwirtin; Plural: die Landwirte, die Landwirtinnen
der Gastwirt | die Gastwirtin; Pl.: die Gastwirte, die Gastwirtinnen
der Landwirt | die Landwirtin; Pl.: die Landwirte, die Landwirtinnen
der Wirt; Pl.: die Wirte
der Betriebswirt | die Betriebswirtin; Pl.: die Betriebswirte, die Betriebswirtinnen
[ … ]
der Landwirt | die Landwirtin; Pl.: die Landwirte, die Landwirtinnen
[ …]

Wies du dann do uwe drin siehn kannst, ei do host du dein gesuchte Antwort:
Betriebswirt | Betriebswirtin orrer Bacharel em administração de empresas.

Bittschön, wenn jemand von eich Froche do driwer hot, dir könnt mich norre froche, ijo gell schon, ich werre dann alles mache um eich helfe.

Seattle, Washington – Vereinichte Stoote von Amerika
vom Beppler Paul üwersetzt am 23. April 2014
Such noh die Stichwörter dohier, im Facebook: “Paul Beppler” und “Riograndenser Hunsrückisch”