SÃO SEBASTIÃO
por Rainer Maria Rilke
tradução de Paul Beppler

Ainda em pé e tu já pareces um caído.
Só a tua forte determinação te mantém,
Absorvido e como uma mãe que amamenta.
Em sí envolto como uma coroa de lauréis.

As flechas vêm, uma à uma… e mais uma mais!
É como se os teus lombos viris as rebatessem,
Ponteiros trêmulos, forjados ferros agudos…
E trazes sorriso ileso em hora tão tenebrosa?

Teu grande sofrimento será singular e único!

Os teus olhos penam, porém estão descobertos.
Mesmo ao renegar, como se fosse coisa pouca,
Como se, sem dar a menor atenção, permitissem
O extermínio de preciosidade caríssima e bela.

Sankt Sebastian

Wie ein Liegender so steht er; ganz
hingehalten von dem großen Willen.
Weitentrückt wie Mütter, wenn sie stillen,
und in sich gebunden wie ein Kranz.
Und die Pfeile kommen: jetzt und jetzt
und als sprängen sie aus seinen Lenden,
eisern bebend mit den freien Enden.
Doch er lächelt dunkel, unverletzt.
Einmal nur wird seine Trauer groß,
und die Augen liegen schmerzlich bloß,
bis sie etwas leugnen, wie Geringes,
und als ließen sie verächtlich los
die Vernichter eines schönen Dinges.

Rainer Maria Rilke: Neue Gedichte
Winter 1905/1906, Meudon

Dem Bundesstoot Rio Grande do Sul seine Missione-Reschion, dort im Nordwest (Neikolonie Gebiet), tut sich methodisch voarbereite um mit dem kommende unn hochonsteckende Coronavirus umzugehn.

Der richtiche Noome für der Coronavirus iss jo CONVID-19, das iss so weil es annre unn wissenschaftlich gut bekannte Coronaviruse schon gebt.

Was do mit dem CONVID-19 so oorrich schlimm iss, iss dass es so nei unn unbekannt iss. Es tut sich üwerleicht von en Mensch zu dem anner verbreite. En infizierte Person ohne kloore Krankhet-Symtome kann schon viele annre Leit onstecke.

Wenn rund um achtzich Prozent (80%) von infizierte Mensche davon net sterwe, viele tun leider davon umkomme – speziool ältre Leit unn Persone, ei wo schon von annre Gesundhetsprobleme leide – i.e. Zuckerkrankhet (Diabetes), Herzkrankhet, unn so weiter …

Wear denkt, dass ear orrer sie infiziert iss unn Grippe-ähnliche Symptome an sich merke tut, der/die soll Heem bleiwe, sich sellebst von annre Leit isoliere (en zwooi-wochelange Quarantäne mache). Dem Dokter orrer Krankehaus tut ma’ tel.-onrufe awer net derekt gleich dort hin gehn, weil dass weard dann annre Patiente mit dem der Coronavirus onstecke – etwas wo, naja sellebstverständlich, net gut iss!!

Nochwas, es tut mear werklich leit awer ich muss unbedingt üwer etwas unbequemes noch erwähne: wear do krank wear krieht der Schisser (Diarrhöe), dodrum in viele Grossstädt gebt keh Toalete-Papier für se koffe …

Das hesst ooch, ei ma’ soll jo voarhear Ploone mache, sodass wenn ma‘ krank weard, dass ma’ sich richtich hydratisiere kann.

Net vergesse: ma’ soll seine Hände öfterschs wasche, net seine Aue, Noos unn Mund mit seine Hände reibe orrer kratze; net annre Persone kisse orrer die Hand schüttle; unn en komplet Halt mit der Matetee-Runde. Niemand möcht en Panik-Macher sinn, doch ma’ soll jo schon sich üwich die Situation richtich unn gut informiere, gell?!

Pass eich gut aus unn bleib gesund!

DAS CORONAVIRUS (wissenschaftlich: CONVID-19), mannichmo ooch beim weitrem Publikum im Maskulinum gesetzt, der Coronavirus, iss en neie Oort von Virus, wo bei Mensche en oorrich schlimme Lunge-Entzündung beibringt, ei en seahr Infektiöse Krankheit, wo grood earstmoh voar Monate in China voarkomm iss. Corona hesst Kron uff Deitsch, unn das iss so weit der Virus mikroskopisch so wie en Kron aussieht. Leider befindt sich der Coronavirus jetz schon in nächst alle Kontinente, nuar net dort unne in der isoliert unn unnerbevölkerte Antarktika.

Mensche wo schon weche etwas annres krank sind, ooch schwächre Persone unn ältre Leit, die all soll ma’ speziool von en Coronavirus-Onsteckung beschütze – die tödlichkeit, ma’ soll noch erwähne, iss ungewöhnlich hoch. So das ma’ en besser Ohnung kann honn, jäahrlich sterwe wennicher wie en halleb Prozent Mensche von der gewöhnliche Grippe, awer mit dem Corona iss es um zwooi-unn-halleb Prozent.

Wenn so neie Variante von bekannte Vire voar komme, wie ‘s der Fall iss mit dem CONVID-19, do gebts enfach keh Spritzchjie um Mensche davon se beschütze. Wissenschaftler/Inne brauche wennischstens en Joahrlang, um en effektive Impfstoff ze entwickle. Newich wichtiche Isolierung von Patiente, was kann dann gemacht sin um kranke Mensche se helfe? Naja, sicherlich gebts etliche Sache, wo do könne gemacht sin: es gebt, zum Beispiel, antibiotische Tratamente für sekundäre, also um die sogenännte opportunistische Erkränkunge zu kontroliere; weiterhin könne Patiente ooch noch mit Atemgeräte (i.e. Respirations-Apparate) gehollef sin; dann ooch noch Blutserum für Noohrung, unn soweiter.

Epidemie x Pandemie – Was iss dann der Unnerschied zwischich die zwooi Wörter, wo ma’ in solche ernstliche Krise-Situatione immer wieder höre tut?
Naja, ei en Epidemie iss jo en Erkränkung, wo dren in ene definierte scheographische Reschion unner der Population weit verbreidt geb iss. Wenn es eventualment passiert, dass so en Krankheht sich uffemol rasch, unkontroliert, weltweitwech verbreite tut, das nennt ma’ dann en Pandemie. Also, en schlechte Troom für Politiker in demokratische Gesellschafte.